قصه بس اتمنى انكم ماتموتون من الضحك

شاب جامعي خلوق أراد أن يتزوج ...لكن أمه العجوز تكفلت له بأن تبحث
له عن فتاة تعرفها وتدخل مزاجها لان مو كل بنت على حد زعمها تصلح
لها.... أخوات هذا الشاب ذكروا له زميلتهم في الكلية وهي فتاة رائعة
وآية في الجمال والأخلاق واجتماعية بشكل كبير ... ومن كثر ما
يتكلمون عنها تعلق قلبه بها وطلب من أخواته أن يكلموها عنه ... بدأ
البنات بالحديث لتلك الفتاة عن أخوهم وأخلاقه الرائعة ودمه الخفيف
وحفاظه على الصلاة واحتقاره للشباب اللي يرقمون .. ومن هالحكي ..
المهم.. البنية المسكينة تعلقت فيه وحبته وتمنت اليوم اللي يجمعها
به ... لكن المشكلة أنهم من قبيلتين مختلفة وكيف يقنعون الأم العجوز
بها البينة الحلوة ... وبعد مشاورات... وتعرفون النساء وحيلهم وبالذات
بنات هاليوم ..
بعد يومين اتصلت البنية المتيمة على أخوات الشاب وقالت: ما فيه إلا
إني أتعرف على أمكم شخصيا اللين أخليها تعجب فيني وهي بنفسها
اللي تخطبني له.... قاموا يفكرون شلون تتعرف على أمه ؟ طرى على
بالها أن أبوها وأمها بيحجون هذي السنة
قالت :وش رأيكم تودون أمكم للحج بنفس الحملة اللي بيروحون فيها
أهلي وأنا ابقنع أهلي أن يودوني معاهم ....؟
ومن يومها وهي تحن على أهلها أبي أحج معكم ؟ قالوا لها : ماعندنا
مانع والحج فريضة على كل مسلم وودنا انك تروحين وتقضين فرضك
انبسطت وقالت له أن أهلها بيودونها للحج معهم والدور عليه اللحين
عشان يخلي أمه تروح للحج
وأول ماوصلوا لمكة وهي تتشوف لها في السكن اللي هم ساكنين فيه
وكل وقت وكل صلاه وهي جنبها وبالليل تساعدها بقراءه الدعاء... ولما
جاء يوم عرفه راحت تجمع لها الحصى وتقول لها هذا الحصاه اكبر وتعور
ابليس وتعطيها .. ولما راحوا يرجمون كانت معها بكل خطوه من
خطواتها... ولما جاء أخر يوم من أيام الحج وكانوا بيطوفون الوداع راحت
تسلم عليها وتحضنها وتقول لها والله إني احبك زي أمي واني ارتحتلك
ياخاله وتهل من دموع التماسيح وراحوا للمطار عشان يرجعون لديرتهم
ولما وصلوا استقبل الولد أمه وابوه من المطار وقعد يسئلهم عن حجهم
وعسى ماتعبتوا ومن هذا الكلام وبعدها قال: يمه عسى ارتحتي بحجك
؟ قالت ياولدي والله انه احسن حج ذا السنه الله يخليك لنا قال : عسى
الناس اللي معك طيبين وارتحتي لهم؟ قالت : والله ماعليهم ناس اجاويد
بس والله ماضيق صدري إلا بنت لزقة كانت معنا نشبت بحلقي هناك ما
شفت ملقوفة ومطفوقة مثلها الله يعيين اللي بياخذها.