مربيه ابليس عضو مـاشي تمام
عدد الرسائل : 34 البلد : مملكه العز و العطاء الوظيفه : طالبه وحدي بعد المزاج : مايخصكم بلاش لقافه تاريخ التسجيل : 14/02/2008
| موضوع: كشفت لكم جوالات البنات الخميس فبراير 14, 2008 3:30 am | |
| السلاااااام عليكم شباب وبنات
شباب اليوم بكشف لكم شي من جوالات البنات
شووووووووووووف صندوق الوارد بجوالات البنات؟
حاط الون وردي علشان يتناسب مع رسايل البنات لان هذا الون يرمز لهم بنعومه ولانوثه
(01) خلود وش بتلبسي في زواج ريم
(02) ياليت يا قلبي تجيبين معاكي بكره ملزمة علم النفس
(03) اسمعيني بسرعة حطي على قناة ( هي ) فيها عرض الأزياء اللي قلتلك عليه .
(04) أهلين الحلى اللي عطيتيني طريقته اليوم كم مقدار السكر
(05) ما حبيت ازعجك بس ببشرك بشارة حلوه دكتورة العربي في آخر الدوام اعتذرت عن محاضرة بكره يعني نوما هنيئاً
(06) معليش يا دنيتي دقيتي علىّ وكنت نايمه والحين ارسلك من جوال اختي لان جوالي استقبال .
(07) مساء الخير وش رأيك اتفقت مع البنات نطلع للملاهي تخاوينا .
(08) الله يعطيكي العافية اذا شفتي امي يا بنت خالتي الحلوه في الزواج قولي لها تدق على أخوي لانه يدق عليها وشكلها مع الطق ما تسمع يبي يعرف متى يجيها
(09) حبيبتي ياليت ترسلين لي رقم جوال موضي أبيها ضروري
(10) لو سمحتي أقصد لطفا وليس امرا وإنتي رايحه للسوق ياليت تسألين عن قيمة القماش اللي قلتي لي عليه .
(11) اسمعي يا حلوه بدون مقدمات ما دمتي في بنده أسألي عن فواصل اذا كان العدد الجديد نزل .
(12) السلام عليكم ما حبيت أحرجك بس عظم الله اجرك وغفر الله على موتانا وموتاكم وخليكي من الصابرين .
(13) مسائك هادي يا أحلى ناسي والف حمد الله على السلامة في عدوينك ولا فيكي .
(14) هلا وين عزمتو بكره عليه قبل لا يتأخر الوقت بقول لأهلي .
(15) يا دنيتي افتحي ( ام . بي . سي . اف . ام ) الاغنيه اللي فيها إهداء مني لكي .
(16) الله يعافيكي بلغي البنات اللي ما شفتهم ان مها سوت حادث ودخلت المستشفى اذا بيسألون عنها .
(17) نجلاء يا عيوني وإنتي جايتنا ياليت تجيبين معاكي فستانك اللي بفصل عليه .
(18) يا عيوني انا في السوق ياليت تعطيني نوع الروج الوردي ضروري .
(19) يا حلاه من صباح وانا اسمع فيه خبر البيبي الف مبروك يتربى بعزكم .
(20) يا حبي أعرفك نسايه ترى بكره عندنا اختبار انجليزي .
(21) مساء الدلع والولع يا عمري اذا كنتي فاضيه ياليت تدقين على الثابت أبي احدد معاكي اختبار ملزمة بكره
(22) سارة . وش اسم آخر عطر من شنل اللي قلتي لي عليه اليوم
(23) كيفك أخبارك من حقي عليكي اذا شفتي عنود في الزواج سلميلي عليها كثيــــر .
(24) يا هوه يا عرب وين الناس تزوجتي وقطعتي فينا من لقى احبابه نسى اصحابه
(25) اذا ما أكلف عليكي ياليت يا قلبي تجيبين لي معاكي كتاب الدكتوره عزيزه .
(26) صباحك حلو لانك داخله الصيدليه على هالصباح جيبي لي معاكي بندول أنا مصدعه وما حصلت مع البنات ولا بالجامعه .
(27) أمل يا عمري انا بتأخر شوي لاني بطلع للمشغل على العموم اطلبوا لي عشا معاكم ليما أجي .
(28) لا يفوتك اليوم المسلسل الحلقة الاخيره في قناة دبي .
(29) ياخبلة دقيت عليكي وجوالك مقفل على العموم لا تدورين على نظارتك لانك نسيتيها عندنا . (( أتخيل شكلها.ههههه))
(30) أهلين يا احلى الحلوات اعذريني ما اقدر اجتمع مع البنات عندك اليوم امي تعبت شوي وخيرها بغيرها سلمي على الجميع
صح يابنات اتحدى اي وحده مافي جوالها اي رساله من الرسايل هذي
تحياتي الكم جميعااااااا لاتعصبون علي تراني منكم وفيكم منقوووول | |
|
مناكير هانم.. مـشرفـة الهبي لاند ..
عدد الرسائل : 572 تاريخ التسجيل : 28/12/2007
| موضوع: رد: كشفت لكم جوالات البنات الخميس فبراير 14, 2008 6:30 am | |
| هههههههه
من جد هذا الواقع.. بس اناا اكره كلام الخزل الحب وخراابيطه..وععع<<احد ساللك
يسلمممممو خيتوو.. | |
|
مربيه ابليس عضو مـاشي تمام
عدد الرسائل : 34 البلد : مملكه العز و العطاء الوظيفه : طالبه وحدي بعد المزاج : مايخصكم بلاش لقافه تاريخ التسجيل : 14/02/2008
| موضوع: رد: كشفت لكم جوالات البنات الجمعة فبراير 15, 2008 4:23 am | |
| | |
|
DaYoOoMa {{..الله خلقني غـيــر..}}
عدد الرسائل : 634 البلد : K.S.A الوظيفه : احـــــــــوس فخيااالي .. واضحك واغني المزاج : عــالـ الــعــاالـ.. تاريخ التسجيل : 26/12/2007
| موضوع: رد: كشفت لكم جوالات البنات الأربعاء فبراير 20, 2008 1:18 pm | |
| | |
|